Tələbə Qəbulu üzrə Dövlət Komissiyası 2012-ci il aprelin 8-də abituriyentlərin qəbul imtahanlarına səmərəli hazırlaşmalarına kömək məqsədilə cari ildə ilk sınaq imtahanları keçirəcəkdir. Həmin imtahanlara yazılmaq istəyən abituriyentlər mobil telefonlardan Azercell və Bakcell nömrələrindən 7735 nömrəsinə boş sms göndərməklə iş nömrəsi və şifrə əldə edə bilərlər.

 "Visa/Visa Electron” və ya "Mastercard/Maestro” plastik kartı olan şəxslər də Komissiyanın internet saytından ödəmə etməklə iş nömrəsi və şifrə əldə edə bilərlər.

Abituriyentlər martın sonlarından etibarən  iş nömrəsi və şifrədən istifadə etməklə TQDK-nın internet saytından sınaq imtahanlarına yazıla biləcəklər. Odur ki, abituriyentlərə  aldıqları iş nömrəsi və şifrəni itirməmələri tövsiyə olunur.