11 dekabr 2012-ci il tarixində 2013/2014-cü tədris ili üçün ali təhsil müəssisələrinin magistratura səviyyəsinə qəbul imtahanı ilə əlaqədar informatika üzrə elmi-metodik seminarın növbəti iclası keçirilmişdir. Seminarda müxtəlif ali təhsil müəssisələrini təmsil edən mütəxəssislər iştirak edirdilər.
Seminar iştirakçılarına informatika üzrə bir sıra ölkələrin müxtəlif imtahanlarında istifadə olunan test tapşırığı nümunələri təqdim edildi. Mütəxəssislər yeni test modelləri ilə bağlı fikir və mülahizələrini bildirdilər. Növbəti seminarda iştirakçılar tərəfindən təqdim edilən yeni tip test tapşırıqlarının müzakirəsi aparılacaq.